Vi løftar i lag
Tidlegare IT-Forum Sogn og Fjordane er blitt til IT-Forum Vest. Gjennom eit utvida regionalt samarbeid mellom næringsliv, offentlege aktørar og FoU-miljø, løftar vi i lag og forsterkar rolla som ein viktig utviklingspartnar i det nye Vestland.
Vårt samfunnsoppdrag er å bidra til berekraftig vekst i Vestland gjennom eit breitt samarbeid om IT i næringsliv, offentleg sektor, utdanning og forsking. IT Forum Vest tek initiativ til, samordnar og bidrar i felles utviklingsaktivitetar til nytte for heile regionen.
Vår visjon er å vere ein viktig alliansepart og sterk bidragsytar for å skape ein god morgondag for alle i Vestland gjennom bruk av teknologi.
Våre verdiar er brukarnytte, samarabeid og mobilisering.
Vårt nettverk har aktive arbeidsgrupper på breiband, velferdsteknologi, og oppvekst, rekruttering og mangfald. Vi står også bak satsingar som nytt IT-studium i Høgskulen på Vestlandet, er medarrangør for konferansar og har eigne nettverks-samlingar.
Vil du bli med?
Om du ønskjer å melde deg inn som medlem IT-Forum Vest, fyll ut vårt innmeldingsskjema eller ta kontakt med administrasjonen ved Øyvind Heimset Larsen på e-post: ohl@vestforsk.no.