300 000 kroner i støtte til "Jenter-i-tech-turnè" med IT-forum Vest

GÅVE TIL TURNÈ: IT-forum Vest takkar for anerkjenninga og pengestøtta til dette viktige prosjektet. F.v.: Fungerande teknologidirektør i Sparebanken Sogn og Fjordane, Jill Aasen Hole, styreleiar i IT-forum Vest, Christiane Christiansen og prosjektleiar Anne Mette Hjelle. Foto: Kristian Helle, Sparebanken Sogn og Fjordane.

Sparebankstiftinga Sogn og Fjordane har gitt IT-forum Vest 300 000 kroner i gåve. Pengane skal gå til gjennomføring av “Jenter-i-tech-turne” på skular i regionen, med mål om å auke interessa for teknologiutdanning.

Lokale kvinnelege rollemodellar

Gåva, som kjem frå overskotet til Sparebanken Sogn og Fjordane, dekker halvparten av satsinga, der lokale kvinnelege rollemodellar skal inspirere fleire til å satse på teknologi som utdanning og yrke. IT-forum Vest dekker resten.

Ungdomsskular og vgs.

Prosjektet er tenkt å vare i 2,5 år, med oppstart hausten 2024. Vi skal invitere oss inn til ungdomsskular og vidaregåande skular i første omgang i Sunnfjord, så Nordfjord og Sogn. Satsinga skal vere til nytte for næringslivet og offentlege sektor i regionen og skal bidra til å styrke IT-utdanninga ved HVL, særleg ved Campus Førde som IT-forum Vest bidro til å etablere i si tid. Her er kombinasjonen teknologi- og helseutdanning spennande å utforske meir. Prosjektet skal også bidra til å få fram fleire kvinnelege rollemodellar innan IKT i Vestland.

Auke mangfald

Tilgang til kompetent arbeidskraft er ein av dei største utfordringane for Vestland, både i dag og framover. Betre rekruttering av jenter til teknologiutdanningar har eit stort potensiale. Dersom Vestland lukkast her, vil det kunne gje ein stor konkurransefordel for fylket. Blir vi gode på dette, vil næringslivet, offentleg sektor, utdanning og forsking få tilgang til nødvendig kompetanse. Å auke mangfaldet vil vere avgjerande for verdiskaping og konkurransedyktigheit i regionen framover.

Les heile saka på Sparebanken Sogn og Fjordane, meir enn bank.