Gjennomført årsmøte og nye styremedlemmer
Tretten medlemsbedrifter deltok på vårt hybride årsmøte på Skei den 19. mars. Der blei årsmøtesaker som årsberetning, regnskap, budsjett og handlingsplan vedtatt. Årsmøtet gjennomførte også val av nytt styre.
Fire nye styremedlemmer
Frode Kyrkjebø i KS går etter fleire periodar no ut av styret. Det same gjeld Nils Erling Yndesdal hjå Statsforvaltaren i Vestland. Årsmøtet takkar dei for god innsats og gode bidrag!
Nye inn i styret er Jenny Følling, ordførar i Sunnfjord og medlem av KS sitt hovudstyre, Merethe Stave i CloudWay AS, Stadlandet, og Ola Alsterholm, som snart tek til i ny stilling hos Statsforvaltaren i Vestland. Les meir om dei her. Vi ønskjer dei velkomne inn i styret! Falk Michael Tewes, Lotteri- og stiftelsestilsynet, har vore vara for Marie Havnen, men er no vald inn som fast styremedlem.
Christiane Ulriksen held fram som styreleiar, medan Frode Schanke i Helse Førde, som tok gjenval, er ny nestleiar. Bjørn Lødemel, Sogn og Fjordane Næringsråd, Per Christian Engdal, HVL, Tore Nyhammer, Bergen Fiber, var ikkje på val.
Merete Lunde held fram i valnemnda, medan Terje Heggheim går ut og blir erstatta av Frode Kyrkjebø. Årsmøtet takkar Heggheim for innsatsen og er samstundes glad for at Kyrkjebø framleis vil bidra inn i partnarskapen - no i ny rolle.
Årsmelding
Her er dei vedtekne årsmøtedokumenta. Vi tilrår særleg å lese årsmeldinga for året som gjekk!
I tillegg til ordinære årsmøtesaker, blei årsmøtet orientert om den nye samarbeidsavtalen IT-forum Vest har inngått med Vestland fylkeskommune, ein avtale som sikrar finansiering av kr 900 000,- kvart år i tre år framover. I tillegg får IT-forum Vest midlar til eit forprosjekt på digital inkludering.
Årsmøtet fekk også informasjon om medlemstur til Kongsberg Agenda i juni.