Etter oppfordring frå mange, arrangerer vi ny IT-konferanse - den første etter at vi utvida til Vestland. Her finn du generell informasjon, program og oversikt over bedrifter og verksemder som er representert med deltakarar.
Generell informasjon:
Når vi no igjen møtast for å samle kreftene, er målet at du skal bli engasjert og inspirert i møte med andre. Vi skal ta pulsen på Vestland og våre risikoar og sjansar i gigabitsamfunnet.
Du kan forvente å bli oppglødd av ny teknologi, men gjerne også litt skeptisk.
Du blir oppdatert på områda breiband og digitalisering av offentleg og privat sektor - kva skjer og kva bør skje? Beredsskap er høgaktuelt. Vestlandet er særleg utsett med tanke på kraft, olje og gass.
Korleis jobbe med dette? Korleis skal vi få tak i folka som skal gjennomføre ambisjonane våre?
Konferansen legg opp til samtaler på podiet, men vi legg også vekt på interaksjon med publikum i salen.
Målgrupper er bedrifter og organisasjonar som ønskjer å vite meir om ny teknologi og det som skjer på dette området. Konferansen eignar seg også godt for deg som tek avgjerder på it-området, både i leiing og fag.
PRIS: Konferanseavgifta er på kr. 2900,- ex mva. Då får du to dagpakkar på Scandic Voss, tilgang til to-dagarskonferansen og festmiddag om kvelden den 30.11. Booking og betaling skjer via påmeldingsløysinga til selskapet, Checkin AS.
NB! Vi har reservert rom på konferansehotellet, men booking og betaling av rom gjer du sjølv. Bruk bookingkoden BITF301122. Frist for å nytte den går ut søndag 6. november.
Avtalt pris for standard enkeltrom, med frokost inkludert, er kr 1220,-. Dersom du ønsker oppgradering til dobbeltrom blir prisen kr 1420,- per rom.
Bruk nettsidene til Scandic for booking av rom, men ver rask. Her blir det rift og hotellet er allereie fullbooka utanom desse romma. Blir du for sein, er det gode alternativ i nabolaget: Park Hotel Vossevangen og Fleischer Hotel.